掀起一波又一波回忆杀嘅
高分国产综艺《快乐再出发》
话咁快就收官啦~
呢边“再就业男团”啱啱翻红，
向来快手嘅芒果tv
就已经速速推出同类型节目
《想唱就唱的夏天》
安排咗江映蓉、黄英、潘辰、
刘美含四位09“快女”成员重聚，
想复制出个“再就业女团”咁话。
首期节目仲搵埋
陆虎、张远做飞行嘉宾，
实现“快男”“快女”梦幻联动。
不过07“快男”同09“快女”
其实早在几年前嘅音综
《合唱吧！300》
已经梦幻联动过啦~
作为行走的青春回忆，
当时呢两team人马快乐重聚
各携300歌迷首度同台竞技，
场面情怀拉满，都真係几催泪。
但百试百灵嘅“回忆杀”
在今次嘅新节目中
似乎唔太work~
在过往咁多届
《超级女声》《快乐女声》中，
09届“快女”其实一直
被视为比较失败嘅一届，
最后十强自出道以来，
大部分都发展得不温不火，
比较出圈的仅有第四名郁可唯、
第五名刘惜君同第九名曾轶可。
而早前成为“金像影后”嘅
刘雅瑟其实都参加过
呢一届《快乐女声》，
不过最后仅止步全国20强。
but，以上选手都冇参加
今次嘅《想唱就唱的夏天》节目啵~
常驻嘉宾阵容虽然有
当年嘅冠军江映蓉、
亚军黄英同第七名潘辰，
仲有一个疑似凑数的
第十五名刘美含，
但呢几位都缺乏人气和流量。
一路专注做音乐嘅江映蓉
去年有参加《浪姐2》，
但“四公”就被淘汰、入唔到决赛，
近年仲一直身陷“变脸”疑云。
早早回归家庭嘅黄英
同中途去咗拍戏嘅潘辰，
几乎成咗娱乐圈的“小透明”。
糊嘅程度比起“再就业男团”
有过之而冇不及。
反而係当年冇入十强嘅刘美含
因为出演过童年神剧
《巴拉拉小魔仙》，
令观众对佢一直有“回忆杀”滤镜。
喺节目中，
刘美含年纪最细但最后综艺感
加上佢同飞行嘉宾比较熟，
贡献咗唔少玩梗名场面。
比起隔离“再就业男团”
自嘲、互黑从不手软，
呢班姐妹团之间嘅相处
似乎就多咗几分生疏、客套，
仓促组局的“重聚”趴
不见温情，仲有些许尴尬。
首期节目全靠
啱啱翻红嘅陆虎、张远
带动气氛、推进流程，
一时分不清究竟係边个嘅团综。
well~团综千千万，
小成本出精品嘅《快乐再出发》
并不能简单归功于“打情怀牌”，
一班本身确实感情深厚、
有梗、有实力、有作品嘅嘉宾
先係令节目好评如潮嘅关键。
唔知经过后面孖铺几晚，
呢班曾经一起奋斗过嘅姐妹团
能否搵翻昔日温情，
让节目渐入佳境，
真正续上“回忆杀”的快乐？
资料来源：综艺截图、微博
网络信息综合整理
编辑：陈祉伶
审核：曾敏妍
签发：骆苹
*文中图片版权归原作者所有，
如涉及侵权请联系，立即删除
扫描下方二维码订阅【微店】可乐生活小店【淘宝】羊晚生活馆【邮政】中国邮政微邮局▼>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方微信号：靓仔可乐君（handsomecolor）